Nuacht

B na L – Nn. Mh 2018-2019

B na L – Rang a 1 2018-2019

B na L – Rang a 6 2018-2019

B na L – Rang a 5 2018-2019

B na L – Rang a 4 2018-2019

B na L – Rang a 3 2018-2019

B na L- Rang a 2 2018-2019

Bhí oíche den scoth againn don Bingo. Ár mbuíochas mór le Séamus Ó Mainnín, Fear an Tí mar is gnáth! Comhghairdeas leis na buaiteoirí uile

Bhí buaiteoirí eile againn feisin idir quizeann, ealaín agus Seó Talainne. Ar mbuíochas mór le Iníon Ní Shíocháin as ucht a cuid oibre ar fad!

Rinne ár laochra spóirt éacht le déanaí idir Lúthchleasaíocht, Leadóg (Craobh na Mumhan) is Peil!! Maith sibh a leanaí!

Bhíomar lán de dhóchas agus sinn ag tabhairt fé Chraobh Sciath na Scol. Bhí Páirc Uí Rinn clúdaithe le dearg is bán nuair a thuirling lucht leanúna na scoile ina sluaite glóracha. Bhí an Dreoilín á chanadh againn gan stad, gan staonadh sa seastán. Ní raibh oiread na fríde idir an dá scoil don chluiche ar fad. Cheap ár gcéile comhraic go raibh deireadh lenár mustar  nuair a lasc Baile Átha an Chéasaigh an sliotar isteach sa líontán chun teacht ar ais ar comhscór linn is an t-am nach mór istigh. Ach ní mar a shíltear is a bhítear- sheasamar ar an bhfód is d’éirigh an lúir ba mhó ón slua nuair a d’eitil an phoc dheiridh sa chluiche caol díreach idir na cuaillí ó chamán draíochta Dharragh Uí Dhonnabháin. D’ardaigh sé ár gcroíthe go hard na bhFlaithis nuair a ghlac Harrison Grant is ár Laochra Gael an corn ar son na scoile!! Lá dár saol a bhí ann. Bhí an gorta fada thart!! Gaelscoil Uí Riada abúúúú!

Thug Roinn na Gaeilge in Ollscoil Chorcaí cuireadh do gach Gaelscoil teacht ar cuairt chun an Choláiste le déanaí.  Bhí triúr dalta ó Rang 5 in éineacht le múinteoirí na scoile ar an lá.

Cuireadh fáilte is fiche rompu agus labhair Ollamh le Gaeilge – Pádraig Ó Macháin agus Uachtarán an Choláiste – Pádraig Ó Sé leis na cuairteoirí .

Labhair siad faoin obair ionatch i leith na Gaeilge atá ar siúl sna Gaelscoileanna agus an líofacht atá ag na daltaí – rud atá le sonrú nuair a shroicheann na daltaí seo an Ollscoil féin.

Bhí turas timpeall an Choláiste ansin acu – agus d’fhoghlaim siad cuid de stair na h-áite agus chonaiceadar foirgnimh agus nithe cáiliúla.

Sa deireadh, fuair gach éinne soláistí agus tógadh grianghrafanna don ócáid.