Fáilte

Tá fáilte romhat go dtí ár suíomh idirlín, áit a bheidh eolas mar gheall ar an scoil seo ‘gainne, chomh maith le pictiúirí agus scéalta mar gheall ar saol na scoile agus ar gach éinne atá inti.  Tá Gaelscoil Uí Riada bunaithe i Wilton ó 1984 i leith agus i láthair na huaire tá 259 scoláire agus 16 múinteoirí againn. Táimíd go léir bródúil as an scoil agus taím cinnte go mbeidh sé sin le sonrú anseo ar an suíomh.

Tá sé mar aidhm againn i nGaelscoil Uí Riada togha oideachais a chur ar fáil dod’ leanbh, i dtimpeallacht spreagúil, sona, in áit a chothaítear féin- mheas agus talann an linbh tré mheán saibhir na teanga Gaeilge.

Sé “Mair go Mairir” mana na scoile, mana a léiríonn meon na scoile chun curaclam ina bhfuil dul chun cinn do linbh lárnach ina chur i bhfeidhm. Tá sé mar aidhm againn é seo a thabhairt chun críche in atmaisféar cairdiúil, sona, socair agus spreagúil.

Ba mhaith liom Céad Míle Fáilte a chur romhat teacht is bheith i do bhall de phobal Ghaelscoil Uí Riada.

Breanndán Ó Gréilligh, Príomhoide  2025